24-26 апрельыште уш-акылым пойдарыме «Знание.Первые» икымше федеральный марафон Москошто лийын. Марий Эл гыч тушко 25 еҥан делегаций миен.
Нунын радамыште – тунемше, студент, туныктышо да самырык учёный-влак.
Чылаже вич тематический площадке пашам ыштен. Ӱдыр-рвезе-влаклан элнан палыме еҥже дене мутланаш, конкурслашке ушнаш, икте-весе дене палыме лияш, шкем вияҥдаш йӧн пуалтын.