1 апрель гыч Йошкар-Олаште йоча-влакым икымше классыш колташ йодмашым налаш тӱҥалыт. Тудым 30 июнь марте йочан регистраций почеш илыме верысе школыш пуыман. А 6 июль гыч 5 сентябрь марте кеч-могай школыш пуаш лиеш.
Эн ончыч школыш военнослужащий-шамычын, вара полиций да МВД, медицине, тазалыкаралтыш аланысе первичный звенон да вашкеполыш пашаеҥ-влакын йочаштлан верым ойырат. Тыгак ты радамыш ӱдырлыкеш але эргылыкеш налме икшыве, опеке да попечительствын йымалныже улшо йоча-влак пурат.
Фото: Иван Речкин.