Кундемыштына «Противодействие беспилотным авиационным системам» компетенций почеш кугу технологий-влакын чемпионатышт икымше гана эртаралтеш. Тудо Российысе конкурсын регионысо йыжыҥжылан шотлалтеш да «Молодёжь и дети» нацпроект почеш илышыш шыҥдаралтеш.
Таҥасымаш Йошкар-Оласе технологический колледжыште эрта. Чрезвычайный ситуацийыште аралыше специализаций почеш тунемше-шамыч беспилотник-влакым закондымын кучылтшо-шамыч дене «кучедалмыштым» ончыктат. Конкурсын заданийже вич модуль гыч шога. Кум кече студент-влак БАС ваштареш шогышо системым проектироватлышаш, юж кумдыкын анализшым эртарышаш да аралыме системе-влак дене пашам ыштышаш улыт.
Таҥасымашын практический ужашыже полигонышто лиеш. Тидыже таҥасымашлан шкешотан ямым пурта.
Марий Элысе Образований министерствын ВК-се тӱшкаж гыч налме фото.