Марий Эл Республикым вуйлатыше А.Евстифеев «Кумылым шуктышо кож» акцийыш ушнен да У ий вашеш начар тазалыкан кум йочалан шонымашкыже шуаш полшен. Нунын кумылышт нерген А.Евстифеев У ий кожысо шар гыч пален налын.
Советский посёлко гыч 12 ияш Кирилл Пушкин ноутбукан лияш шона, Шернур район Полдыран ял гыч 13 ияш Элина Милютина – планшетан. Йошкар-Ола гыч 13 ияш Д.Стрельников У ийлан Йӱштӧ кугыза деч электронный книгам йодын.
Дмитрий Стрельниковын шонымашыже вес кечынак шукталтын. Правительстве вуйлатышын икымше алмаштышыже М.Васютин рвезылан гаджетым кучыктен. Вара Кирилл ден Эвелина деке пӧлек миен шуын.
И.Александрова, Э.Терентьева.