Марий Элысе школлаште 11-ше классыште тунемше-влак 4 декабрьыште иктешлыше сочиненийым возеныт.
Ончылгоч пуымо данный почеш, регистрироватлыме 2649 ӱдыр-рвезе кокла гыч индеш еҥ тӱрлӧ амаллан кӧра возаш каен кертын огыл. 22 школьник изложенийым возен, палдара Марий Элысе Образований да науко министерстве.
Сочиненийым але изложенийым возымылан отметкым огыт шынде – «зачёт» але «незачёт» манын палемдат. «Зачётым» налше тунемше гына варажым Кугыжаныш иктешлыше аттестацийым эртен кертеш.
https://www.freepik.com/ сайт гыч налме фото.