2026 ий 1 январь гыч Марий Элым Вуйлатыше Юрий Зайцев, Россий Обороно министерстве дене контрактым пеҥгыдемдыше-шамычлан ик гана тӱлыман выплатын кугытшым 2100000 теҥгеш кӱзыктен.
Марий Элысе Правительстве Председательын палемдымыж почеш, кундемна Россий Президент Владимир Путинын элнан аралыме вийжым пеҥгыдемдаш полшымо шотышто задачым шуктымаште сайынак тырша. Юрий Зайцев ойлен: «Спецопераций кайыме верлашке гуманитарный груз эреак колталтеш, салтак-шамычын ешыштлан да родо-тукымыштлан тӱрлӧ полыш пуалтеш. Ӱмаште регионышто «Герои Марий Эл. Талешке-влак» кадровый программе илышыш пурталтын. Икманаш, спецоперацийын участникше-шамычлан полыш армийыште веле огыл, тыныс илышыштат ышталтеш. Ме кӱлеш полышым пуаш эре ямде улына!»