13-14 мартыште Новочебоксарскыште куштылго атлетике дене «В.Г.Надеждинын мемориалже» Российысе таҥасымаш лийын.
Турнирыш Угарман, Ульяновск областьла, Марий Эл, Чуваший, Донецк Калык Республикла гыч 440 утла спортсмен толын.
Кундемнан чапшым Марий Элысе куштылго атлетике дене спортшколын тунемшыже-влак араленыт. Спортсмен-шамыч чылаже 19 наградым сеҥеныт: ныл шӧртньым, лу шийым, вич тойым.
Марий Элысе Спорт да туризм министерствын сайтше гыч налме фото.