Советский районышто ик населённый пунктлан шагалрак лийын. Марий Эл Республикын Кугыжаныш Погынжын пунчалже почеш Зелёная роща посёлкым пытарыме. Документыште тудо населённый пунктын палыжым йомдарен да ончыкыжо вияҥдаш перспективыже уке манын ойлалтеш. Ты посёлкым ондакысе военный объект олмышто 1978 ийыште ыштыме улмаш. Тушто Республиканский психотуберкулёзный эмлымверым чоҥеныт. Но 2014 ийыште тудо петырналтын. Тидлан кӧра посёлкышто илыше-влак кокла гыч шукынжо Солнечный ден Луговой посёлкылаш илаш кусненыт.