Ик верыште тӱрлӧ йодышым

Москошто Россий обороно министерствын икымше военно-социальный рӱдержым почыныт. Тудо «Защитники Отечества» фонд дене пырля пашам ышташ тӱҥалеш.

Ынде военнослужащий-влак административный, информационный, страховой, финансовый услугым у структурышто налын сеҥат. Тыгак рӱдер военнослужащий-шамычлан полышым пуымо годым «Защитники Отечества» фонд дене кылым ышташ полша. Тышке контракт почеш служитлыше, призывник, мобилизоватлалтше, доброволец, тыгак Российын Вооруженный вийже гыч кайыше да нунын ешышт гыч еҥ-шамыч полышым йодын миен кертыт. Социальный гарантийым пуымо шотышто йодышым писын рашемдаш полшаш манын, военный управленийын тӱрлӧ органже гыч специалист-влакым ты пашаш ушымо. Тылеч посна рӱдерыште кредитный организаций-влакын пӧлкаштым вераҥдыме. Тушто боевой действийын ветеранже-влак электрон удостоверенийым – «СВОи» картым налын кертыт.

Ты рӱдерын пӧлкаже-влакым чыла гаяк военный округышто почаш палемдыме. Тыгак рӱдерын еҥже-шамыч «Защитники Отечества» фондын филиаллаштыже приёмым эртарат.

Военно-социальный рӱдер тыгай адрес дене верланен: Моско ола, Мясницкий урем, 35-ше пӧрт. Телефон: 88007779999. Тыгак тургыжландарыше йодышым кажне военнослужащий Обороно министерствысе сайтын шке личный кабинетше гоч колтен кертеш.

«Защитники Отечества» фондын Марий Элысе пӧлкажын «Вконтакте» сайтше гыч налме фото.