16 августышто Республикысе тоштер-влакын ассоциацийышт «Ик толкынышто» проектым илышыш шыҥдараш тӱҥалын.
Июльышто тиде ассоциаций Марий Эл Правительствын грантшым налын. Шӱдӧ тӱжем теҥге окса дене тоштерысе самырык пашаеҥ-влакым туныктат. Тиде вашлиймашыште у семын шонаш да профессиональный пашаште тидым шыҥдарыме нерген мутланыме. Тунемше-влак тӱшкалан шелалтын, практикыште у шонымашым шочыктымо вич технике дене палыме лийыныт, тыгак проблемный йодыш-влаклан вашмутым муаш тунемыныт.