Кодшо арнян Йошкар-Оласе 23-шо номеран школын пырдыжешыже специальный военный операцийын участникше Андрей Сорокинлан шарнымаш оҥам пижыктыме.
А.Сорокин Марий Элысе самырык-влак толкынын чолга еҥжылан шотлалтын. Ятыр гана грант конкурсыш ушнен да ончыл верыш лектын, «Лидер 21 века» конкурсышто кокымшо степенян лауреат лийын, «Идалыкын студентше» республикысе конкурсышто ончыл верым налын. Тудо тыгак Волгатех студент-влакын пожарный-утарыше отрядыштым вуйлатен.
Мероприятийыш «Защитники Отечества» фондын Марий Элысе филиалжым вуйлатыше Р.Магсумов ушнен. «Лӱддымӧ землякна-влакын ик подвигыштат ок мондалт. Российым аралыше-шамычым шарнышаш улына. Андрей Александровичын ешыжлан вуйнам савена», – ойлен Р.Магсумов.
Интернет гыч налме фото.