«Герои Марий Эл. Талешке-влак» проектыш ушнашлан ик кече кодын
Ты проект «Время Героев» федерал программын республикысе аналогшо. Тудын цельже – регионысо тӱҥ задаче-шамычым шукташ профессионал-влакын командыштым чоҥаш. Ойырен налме ветеран-влак управлений сферыште вӱдышӧ эксперт-влак деч тунемаш да кучем органлаште стажировкым эрташ тӱҥалыт. Тиде боец-влаклан шке профессионал вияҥмашыштым шуяш да тыныс пашаште шочмо эллан пайдам кондаш сай йӧн.
Программыш ушнаш 18 апрель марте герои-марий-эл.рф. сайтыште регистрацийым эртыман.