28 октябрьыште «Авангардыште» Марий Элысе военно-патриотический ушем-влакын слётышт почылтын. Тудым республикысе Молодёжный политике комитет, Йошкар-Оласе Самырык-влакын полатышт да «Авангард» рӱдер вораҥдарат.
Ты кечын участник-шамычым взводлан шеледеныт да регистрироватленыт. Тыгак слётым торжественно почыныт. Ӱдыр-рвезе-шамыч икымше испытанийыште вийыштым тергеныт. Ынде арня мучко нуно тӱрлӧ шӧрыныштӧ шкеныштым тергаш тӱҥалыт.
«Молодёжь Марий Эл» ВК-се тӱшка гыч налме фото.