Марий Эл гыч кок еҥ «Спасибо Интернету-2020» Россий интерактивный конкурсышто палемдалтын.
Наталья Моровалан «Интернет-предприниматель, интернет-работодатель» номинацийыште ший медальым пуэныт, а Алевтина Черепановам эн кугу ийготан участник семын палемденыт. Алевтина Федоровналан – 97 ий.
Чылаже конкурсыш 4600 йодмаш пурен. Тышеч 78 регион гыч конкурсын икымше этапышкыже 4441 паша логалын.
Мемнан республик гыч 108 йодмаш пурен. Тыге Марий Эл моло регион коклаште 12-13-шо верыште лийын, «Топ-20» радамыш пурен да «Самый активный регион» номинацийыште палемдалтын.