Лишыл жапыште Йошкар-Олаште Киров ден Строитель-влак урем-влакым ушышо у кӱварым автомагистраль семын чоҥен пытарат. Тудын кужытшо 202 метрыш шуэш, лопкытшо – 28 метрыш; тыгак 2,2 метран тротуар лиеш.
«Кугарня» газет лаштыкнам сылнештараш полшышо уна-влак кокла гыч иктыже – Геннадий Рыбаков. Тудо газет редакцийышкына игече шотышто эскерымашыжым ятыр ий кондеда. Чулым марий пӧръеҥ шкешотан метеожурналым 40 утла ий воза. Тудын негызеш ончыкылык кеҥежын я телын игечыжым палдара.
Игечым эскерымаш – икмыняр хобби кокла гыч иктыже. Тылеч посна тудо историйым шымла. А такшым Геннадий Иванович «Мостремстрой» организацийыште 36 ий инженерлан пашам ыштен, а кызыт нылымше ий ороллан тырша. Сандене Марий Элыште кӱварым чоҥымо сомыл нерген ятыр фактым пала.
УМБАКЫЖЕ — 12 августышто лекше «Кугарня» газетын 12-шо страницыштыже.