Вучыдымын шыже тылзе толын шуо. Идым тылзын (сентябрьын) икымше арняже шыжымсе гай але кеҥежымсе гаяк лиеш? Калык пале-шамыч мом сӧрат? Айста ончалына.
2 сентябрьыште куэ лышташ вуй гыч нарынчалгаш тӱҥалеш гын, шушаш шошо эр толшаш, ӱлыч нарынчалга – шошым вара вучыман.
3 сентябрьыште кече ояр гын, эше ныл арня сай игечым вучыман.
4 сентябрьыште тӱтыра кече ваштареш писын шарла гын – сай игече кужу жап шогышаш.
5 сентябрьыште покшым уке – леве сентябрьлан.
6 сентябрьыште йӱдым ояр – сай игечылан.
7 сентябрьыште пушеҥге чодыртатыме йӱк шокта гын, кукшо игечылан.
8 сентябрьыште эрдене йӱштӧ – теле эр толшаш.