Кӧ эр кынелеш – курткыжым кидыштыже нумалеш. Эрдене шыжымсе гаяк юалге гын, кечывалым кечыште изиш ырашат лиеш. Тиде арнялан игече могайрак лиеш? Калык палынам ончалына.
23 сентябрьыште ӱстембак пызле укшым шындаш гын, тудо пӧртыш пиалым кондышаш.
24 сентябрьыште чайка-шамыч кӱшнӧ каваште чоҥештылыт – мардежан игечылан.
25 сентябрьлан пушеҥге-влак чара шогат – эр телылан, да мӧҥгешла.
26 сентябрь йӱр деч посна эрта гын, йӱштӧ эше вашке ок тол.
27 сентябрьыште игече леве – шокшо эше кужу жап шогаш тӱҥалеш.
28 сентябрьыште кож укш ӱлыкӧ сакалтын – йӱрлан.
29 сентябрьыште нарынче лышташ пушеҥге гыч ок вел гын, шыже кужу лийшаш.