Йошкар-Оласе еш-влак «Идалыкысе еш» («Семья года») лӱмым налаш таҥасымашке ушнен кертыт.
«Мыйын ешем — мыйын Россий» — конкурсын девизше. Тудо вич номинаций дене эрта: «Шуко йочан еш» (ешыште визыт деч утла йоча лийшаш), «Самырык еш» (шочшан ача-аван ийготышт 35 ий марте лийшаш), «Селасе еш» (ола деч тораште илыше еш), «Шортньӧ еш» (пелаш-влак 30 ий деч утла пырля илат), «Еш — йӱлам аралыше» (ала-могай профессий дене кылдалтше тукым, калык йӱлам аралыше еш).
Оласе конкурсыш чолга ава, ача да нунын йочаштым 15 апрель марте йодмашым http://okcentr2010(собака)mail.ru адрес дене колташ йодыт, тыгак 8 (836) 264-17-88 телефон номер дене йыҥгыртен увертараш лиеш.