Марий Элыште «Идалыкын туныктышыжо» визымше конкурсым иктешленыт. Пайрем И.С.Палантай лӱмеш тӱвыра да сымыктыш колледжын Калыкле гимназийыштыже эртаралтын. Туныктышо-влакым сеҥымаш дене тӱвыра, печать да калык-влакын пашашт шотышто министр Константин Иванов саламлен.
Идалыкын туныктышыжо лӱмым суленыт:
Мария Клюкина (И.С.Палантай лӱмеш тӱвыра да сымыктыш колледж),
Людмила Майкова ( И.С.Палантай лӱмеш тӱвыра да сымыктыш колледж),
Нурзия Нигмадзянова (Параньга посёлкысо йоча сымыктыш школ),
Лариса Пермякова (Волжск оласе йоча сымыктыш школ),
Маргарита Романова (Йошкар-Оласе 3-шо номеран йоча сымыктыш школ),
Вероника Армякова (И.С.Палантай лӱмеш тӱвыра да сымыктыш колледж),
Надежда Денисова (И.С.Палантай лӱмеш тӱвыра да сымыктыш колледж),
Анна Санникова (Йошкар-Оласе художественный училище).
Фотом тӱвыра, печать да калык-влакын пашашт шотышто министерствын сайтше гыч налме.