10-15 декабрьыште Москошто «Идалыкын студентше» Российысе национальный премийын финалже эртаралтеш.
Вузласе студент-влаклан ты премийым тений 10-шо гана кучыктат да ты таҥасымаш «Твой Ход-2023» всероссийский форум годым эрта.
Марий Эл гыч студент-влак тыгай номинацийлаште шке моштымашыштым ончыктат: Д.Макарова – «Идалыкын тунемше-влак советын председательже», Л.Нигматуллина – «Идалыкын усталык личностьшо», С.Исманов – «Идалыкын йот студентше», А.Горбачева – «Идалыкын спортсменже», И.Бобров – «Идалыкын старостыжо», «Идалыкын добровольческий ушемже» – Волгатехысе студент-влакын волонтёрский инициативный организацийышт, «Идалыкын киберспортивный клубшо» – ПГТУ-со ППОС киберспортивный клуб, «Идалыкын юридический ушемже» – ПГТУ-со студент-влакын первичный профсоюз организацийже.