Коми Республикыште идалыкын проектшылан Яндекс.Переводчикыш коми йылмым пуртымым шотленыт.
Кызыт кусараш 100 тӱжем предложенийым ойырен налме, пашам шукташ командым чумырымо. Тиде программе почешак 2023 ий гыч «Школа бережного отношения родному языку» номинаций дене ялысе эн сай школым ойыраш тӱҥалыт. Тыгак 2024 ийыште этнойылме сферыште инициативылан полышым темлат, ты шотышто конкурсым увертарат.