14-15 декабрьыште «Тӱвыраште у» форум годым М.Шкетан лӱмеш Марий драмтеатрыште Российысе калык-влакын тӱвыра поянлыкыштлан пӧлеклалтше идалык, кузе эртыме шотышто иктешлымашым ыштеныт.
Тыге «Народный мастер традиционных художественных промыслов и ремёсел Республики Марий Эл» чаплӱм дене Медведево район гыч В.Желудкиным палемденыт. Марий Эл Правительствын Чап грамотшо дене Куяр посёлкысо тӱвыра рӱдерым вуйлатыше М.Никитинам саламленыт. Тыгак «Калыкын чонжо» премийын лауреатше-влакым саламленыт.
Марий Турек район Кугу Карлыганысе удмурт калыкын тӱвыра рӱдержым вуйлатыше В.Козлова ден Морко районысо Унчо тӱвыра пӧрт пеленысе «Порсын кумыл» мастерскойым вуйлатыше Л.Фёдорова лектыныт. Ты премий дене 2019 ий годсек сеҥыше-влакым кажне ийын палемдат. Тудо «Культур» нацпроект почеш илышыш пурталтын.