Кримувер
Йошкар-Олаште илыше 30 ияш пӧръеҥлан соцкылыште палымыже полышым йодын возен. Тудлан полшаш шонен, банк картышке оксам колтен. А вара пален налын: ӱдыр оксам йодын огыл. Пӧръеҥлан 8400 теҥгеаш эҥгек ышталтын. Соцкылыште полышым йодмылан ида ӱшане.
Марий Элысе рӱдолаште илыше 38 ияш ӱдырамаш, Санкт-Петербургышто кок кечылан пачерым айлаш манын, сайт-влакым шергалын. Арендодатель ончылгоч оксам тӱлаш йодын. Ӱдырамаш тыгак ыштен, 6 тӱжем теҥгем колтен. А саде еҥ тетла телефон трубкам налын огыл.