Волжскышто илыше 59 ияш пӧръеҥ ик сайтыште инвестиций фондын рекламыжым ужын. Ссылке почеш пурен да анкетым возен. Мошенник-влак скайп гоч электронный биржыште оксам пеш вашке ыштен налаш лийме нерген умылтареныт. Тений февраль гыч пӧръеҥ банк гыч кредит дене налме 1,9 млн теҥгем модын колтен.
Звенигово районышто илыше 27 ияш ӱдырамашлан паша верым кычалме сайт гыч йыҥгыртеныт да ешартыш оксам ыштен налаш темленыт. Аферист-влакын темлымышт почеш ӱдырамаш банкыште 250 тӱжем наре теҥге кредитым налын да мошенник-влакын счётышкышт колтен.
Тиде кок факт шотышто уголовный паша-влакым тарватыме.