16-22 июнь – Физически чолга лияш кӱлмӧ нерген увертарыше арня
Тазалыкым пеҥгыдемдаш манын, кажне кечын физически чолга лийман. Тидлан Калык тазалык да медицине профилактике рӱдерым вуйлатыше Надежда Фролова теве мом ышташ темла.
– Автомашина дене кудалме олмеш йолын коштса;
– пашаште перерывым ыштыза: кӱчык зарядкылан жапым муза але офис йыр коштын пурыза;
– икмыняр сомылым шоген ыштыза, поснак кунам тендан пашада компьютер дене кылдалтын гын;
– лифт дене огыл, а тошкалтыш дене кӱзыза, икмыняр пачаш гыч тӱҥалын, ешарен толза;
– йоча-влак дене чолган модса, икте-весе коклаште мыскара сынан таҥасымашым эртарыза, тышке каныш кечылаште уло ешым тышке ушыза;
– йӧратыме музыкым колыштса да тудын почеш мӧҥгыштыда куштыза;
– телефон дене кутырымо годым креслыште ласкан вераҥаш ида вашке, пӧрт мучко але уремыште коштса;
– пляжыште шуйнен возын кийыме олмеш чыла пален налаш тыршыше турист семын каныза.
Аэробикымат ешараш уто огыл: чогашыл тарванылме упражнений-влакым ыштылза, куржталза, писын коштса, велосипед дене кудалыштса, баскетбол дене модса, куштыза, йӱштылза. Физкультур дене заниматледа гын, таза лийыда.
Марий Элысе Тазалык аралтыш министерствын материалже негызеш ямдылыме.