19-21 сентябрьыште Йошкар-Олаште «И КРАТКАЯ» II Йошкар-Оласе кинофестиваль эрташ тӱҥалеш. Организатор-влак фестивальын программыж дене палдареныт.
Тӱҥ паша-влакым «Октябрь» кинотеатрыште ончыктат. Почмо да петырыме церемоний-влак Я.Эшпай лӱмеш Марий кугыжаныш филармонийыште лийыт.
«И КРАТКАЯ» конкурс программыш 30 сӱрет пурен: 7 – анимаций, 8 – документальный, 9 – модыш да 6 – «пеш кӱчык кино». Ойырен налме фильм-влак шонымашын вийже да келге айдеме вашкыл нерген темым иктыш ушат.
Фестивальын тичмаш программыжым фильмым ончыктымо расписанийым тыште ончыза.