Кодшо кечылаште Йошкар-Олаште И.С.Палантай лӱмеш тӱвыра да сымыктыш колледжыште Российысе хор фестивальын регионысо йыжыҥже лийын. Конкурсым очно да заочно эртарыме.
Тушко индеш калык хор ушнен. Тиде профессионал ден любительский коллектив-влак. Марий Турек, Звенигово, Оршанке, Морко, Медведево районла да Йошкар-Ола гыч ансамбль-влак лийыныт.
Ончыл верыш «Лира» йоча сымыктыш школын «Узоры» йоча образцовый ансамбльже, тӱвыра да сымыктыш колледжын «Тулгайык» калык муро коллективше, Морко рӱдӧ клуб системын калык хоржо лектыныт.