🎬 Кок кече жапыште «Марий Эл» ий полатыште тӱҥ режиссёр Максим Брызгалов шке командыж дене «Матч Акпарса» ончыкылык фильмлан тизерым войзен.
🏒Тушто М.Шкетан лӱмеш Марий национальный драмтеатрын актёржо-влак Акпарс Иванов ден Наталья Алексеева, Г.Константинов лӱмеш Руш академический драмтеатрын актёржо Юрий Синьковский да актёр Денис Шаблий тӱҥ рольым модыныт. Тыгак Йошкар-Оласе кок хоккейный команде, арбитр-влак да кумылан еҥ-шамыч съёмкыш ушненыт. Тӱшка вий дене оҥай да ойыртемалтше кадр-влакым ыштеныт.
📸 И.Речкинын фотожо-влак.