Хирург лияш шона

Кызыт чыла школышто выпускник-влак школ дене чеверласат. Ты пагыт кажне еҥын чонышто волгыдо кышам кода. Тений Морко район Кокласола лицейым Анастасия Иванова шӧртньӧ медаль дене тунем пытарыш.

Тунемше еҥ ончык кая, маныт. Настя изинек шинчымашын вийжым, кӱлешлыкшым сайын умылен да эре тыршен тунемын. Анастасия Морко район Кугу Шале ялеш шочын. Тыштак йоча пагытше эртен. 1-ше класс гычак Кокласола лицейыште тунемаш тӱҥалын. Варажым Ивановмыт еш Йошкар-Олашке илаш куснен. Но ӱдыр тунемме верым вашталтен огыл, тышанак кодын, моло ӱдыр-рвезе дене пырля интернатыште илен. Каныш годым Йошкар-Олашке, ача-ава деке, чӱчкыдын кудалыштын. Артём шольыжо Йошкар-Оласе 24-ше №-ан школын 3-шо классшым тунем лектын.

Тунеммаш – тӱҥ паша

Настя изиж годсек лӱддымӧ да чолга кушкын. Йоча жапше годсек врач лияш шонен. Илыш корным ты профессий дене кылдаш манын, 8-ше класс деч вара биологий да химий классыште тунемаш тӱҥалын.

Умбакыже 1 июльышто лекше у номерыште лудса.