Декабрь кыдалне Саратовысо кугыжаныш университетыште химий дене регион-влак кокласе турнирын XII йыжыҥже лийын. Тушто Юл кундем федеральный округысо регионла гыч 11 команде таҥасен.
Марий Элын чапшым Йошкар-Оласе икмыняр школын тунемшыже-влак араленыт. Сборный командыште оласе шуко профилян лицей-интернатын 10-11-ше класслаштыже, 17-ше номеран школышто тунемше-влак лийыныт. Самырык химик-шамыч призёр-влак радамыш логалыныт. Нуно утларакшым личный зачётышто ойыртемалтыныт. Тушто иканаште кум тунемше сеҥышыш лектын.
Марий Элысе Образований министерствын сайтше гыч налме фото.