15 майыште МарГУ-н ик корпусыштыжо очный да онлайн-формат дене химический диктант лийын.
Тудын темыже: «Химия для настоящего и будущего». Диктантыште участник-влаклан илышыште химийын кӱлешлыкше, йырым-йырысе тӱнян химий гыч шогымыж дене кылдалтше 25 йодышлан 45 минутышто вашмутым пуаш кӱлын. Тушко 5-ше класс гыч ушнен кертыныт.
Диктантым Россий просвещений министерство да химийым туныктышо-влакын ассоциацийыштын полшымышт дене М.В.Ломоносов лӱмеш Москосо кугыжаныш университет, тудын химический факультетше, «Просвещение» компанийын группыжо дене пырля эртареныт.