Шыже каникул тӱҥалме деч ончыч Медведево посёлкысо 3-шо №-ан кыдалаш школышто химий предметым йӧратыше-влак погыненыт ыле. Нуным «Мольын кечыже» манме республик кӱкшытан конкурс иктеш чумырен.
Тунемше-влак расчётный манме задачым шотлымаште таҥасеныт. Ятыр школ гыч толыныт ыле. Коркатово лицейын тунемшыже-влак кокымшо верыш лектыныт, тыге эше ик гана ончыл радамыште улмыштым пеҥгыдемденыт.
Тиде сеҥымаште химийым туныктышо Р.А.Новикован надырже пеш кугу.
В.Смирнов.
Фотом школын архивше гыч налме.