Морко район Коркатово лицейын самырык химикше-шамыч шукерте огыл 5-ше Тӱнямбал химический диктантыште шке шинчымашыштым тергеныт. Диктантлан нуным ты школышто химий предметым туныктышо Р.А.Новикова ямдылен.
Биолого-химический профиль дене тунемше 41 икшыве «Экологий да пӱртӱс ресурс» теме дене йодыш-влаклан вашмутым пуэн. Диктант 25 йодыш гыч шоген. Вашмутым чын пуаш лицеист-влаклан химийым веле огыл, тыгак биологийым, экологийым сайын палашышт кӱлын.
Вячеслав Смирнов.
Фотом лицейын архивше гыч налме.