Кольский полустровышто верланыше курык-влакым Хибины маныт. Тушто Йошкар книгаш пурталтше чыла гаяк кушкыл шочеш да янлык ила. Курык вуйышто шыже гыч кеҥеж марте лум кия. Садланак кӧра курык вуй гыч мунчалташ йӧратыше спортсмен-влак тышке чӱчкыдын толедат. Тыште Айкуайвенчорр да Кукисвумчорр комплексым лӱмын келыштарыме. Тушто ноябрь гыч июнь марте мунчалташ лиеш. Тыгак турист-влаклан ерлаште колым кучаш, ботанический садыште кошташ, «Лум ялыште» лияш маршрут-влакым ямдылыме.