Мурманск областьысе Кольский пелотрошто верланыше курык-влакым Хибины маныт. Тушто Йошкар книгаш пуртымо чыла гаяк кушкыл шочеш да янлык ила. Курык вуйышто шыже гыч кеҥеж марте лум кия. Садлан кӧра курык вуй гыч мунчалташ йӧратыше-влак тышке чӱчкыдын толедат. Тидлан Айкуайвенчорр да Кукисвумчорр комплекс-влакым лӱмын келыштарыме. Тушто ноябрь гыч июнь марте мунчалташ лиеш. Тыгак турист-влаклан ерлаште колым кучаш, ботанический садыште кошташ, «Лум ялыште» лияш маршрут-влакым ямдылыме.