Йошкар-Олаште Марий Элысе спортшколлаште тунемше-влак коклаште «Готов к труду и обороне» (ГТО) Всероссийский физкультурно-спортивный комплексым сдатлыме фестиваль лийын. Мероприятий «Российын спортшо» кугыжаныш программе кышкарыште эртаралтын.
Спортсмен-влак иймаште, тӱрлӧ кужытым куржталмаште, шкем нӧлтымаште, тӧрштылмаште да моло видыште вийыштым тергеныт. Икымше верым Медведево районысо спортшкол налын, кокымшо – «Виктория» спортшкол, кумшо – Йошкар-Оласе иймаш спортшкол.
Марий Элысе Спорт министерствын ВК-се лаштыкше гыч налме фото.