Грантым налын – Венгрийыш каен

Тений МарГУ-н кум студентше Венгрийыште пел ияш стажировкым эртат. Нунын кокла гыч иктыже – Параньга район Олор гыч Кирилл Колесников.

Кирилл «Stipendium hungaricum» программын стипендийжым сеҥен да сентябрь гыч пел ий Венгрийыште «Бизнес администрирование и менеджмент» направлений дене стажировкым эрта. Тусо илыш нерген тыгерак каласкалыш:

Тышке толмеке, арня илымеке, ойыртемым шижаш тӱҥальым. Мутлан, сату Российысе деч 10-15 процентлан шергырак, кинде – кок пачаш. Тыгак макарон, рис уло, а шемшыдаҥ шÿраш уке. Ола мучко кудалышташ билетын акше 135 теҥгем шога, сандене вигак проездной билетым налынам.

ной билетым налынам. Еҥ-влак тыште чот ответственный улыт, эре маске дене коштыт. Тыгодым нуно чон почын кутыраш йӧратат, кок метран калай пече шеҥгелне шылын огыт кий. Йӱр деч вара нигуштат вӱдлакым от уж. Корно удажак о г ы л , но чыла вере икгай: кеч изи, кеч кугу уремыште. Пӱртӱс тыште ойыртемалтше, йырым-йыр – курык. Игече леве шога, йӱштӧ огыл.

Вес ойыртем: могай дисциплиным тунемаш, ме шке ойырен налына. Тыгак ик арняш шыже каникул уло. Лачак кызыт ме канена. А тиде жапым пайдалын эртараш тыршем: олам да воктене улшо верлам ончен коштам. Йӧным мушо йӧрым кочкеш, маныт! Сандене самырык-влаклан чолга лияш да тÿрлö аланыште шке вийым тергаш тыланем. Кызыт йöн шуко, тудын дене пайдаланен веле моштыман.