Грантым налнет – проектым возо!
Марий Элым Вуйлатышын сомылжым жаплан шуктышо Ю.Зайцев талантан самырык еҥ-влак дене вашлийын. Тушто тудо инновационный теме дене проектым возышо кумылан еҥ-влаклан грантым сеҥен налаш лийме нерген палдарен. Эн сай вич проект Марий Эл Республикын Вуйлатышыж деч грантым налын кертеш. Тудын кугытшо – 100000 тенге.
Активист-влак Ю.Зайцевлан шке пашашт нерген каласкаленыт. Тудо нунын чулым, чолга улмыштым палемден. Тыгак Кугыжаныш премийын кугытшым (20 гыч 40 тӱжем марте), шукырак талантан самырык еҥ-влаклан (15 гыч 20 еҥ марте) кугемдаш темлен.
Ю.Зайцев тауштымашан серышым «Воскресение» поисковой отрядын еҥже А.Бусыгиналан, «Паллада» парусный клубын кугурак юнгаже И.Немихинлан, «Волонтёры-медики» регионысо ВОД отделенийын вуйлатышыже Е.Степановлан кучыктен. Тыгак «Центр боевой и трудовой славы республики Марий Эл» информационно-выставочный комплексым ыштыме шотышто йодышым рашемдаш кӱштен. Самырык-влакын темлыме уремысе фестивальым у формат дене эртарымым сайлан шотлен.