28 ноябрьыште Йошкар-Олаште гранат пайрем эртаралтын. Тудым республикысе азербайджан-влакын регионысо национально-культурный автономийже 2006 ий годсек палемда.
Азербайджан калык гранатым кӱкшын акла. Тудо поянлыкым да улан илышым ончыкта, маныт.
Пайрем программе поян лийын: ончер, йыргешке ӱстел, концерт да марий тӱвыра дене палыме лиймаш. Погынышо-шамыч регион-влак кокласе «Мари шовыр» этнофорумыш миеныт.