25-26 апрельыште Воронежыште «Регионы туризма и гостеприимства» да «Туристические города» Российысе конкурс-влак эртаралтыныт.
Марий Эл тушто кум премий дене палемдалтын. Конкурсын эн кугу премийжым — «Регион этнокультурного туризма» номинацийыште гран-прим мемнан команде сулен. «Туристические города» конкурсын «Город этнокультурного туризма» номинацийыштыже Йошкар-Ола икымше верым налын. Тыгак «Город музейного туризма» номинацийыште Козьмодемьянск ола ойыртемалтын. Гран-при — Козьмодемьянскын.
Марий кундемна унам ончен моштымыжым, тӱвыра ден йӱлам жаплымыжым эше ик гана пенгыдемден.
М.Иванован ВК-се лаштыкше гыч налме фото-влак.