Марий Элысе «ВкусноЙошка!» туристический маршрут «Идалыкын маршрутшо» Российысе конкурсышто Гран-прим сеҥен налын. Тудым «Эн сай кӱртньыгорно тур» номинацийыште акленыт.
2021 ийыште «Идалыкын маршрутшо» премийым налшаш верч элнан 60 регионжо гыч 445 проект таҥасен. Тудын финалже 24-26 ноябрьыште Пермьыште эртаралтын.
«Яркие выходные в Приволжье. Вкусно едем. ВкусноЙошка!» проект шке пашажым апрельыште тӱҥалын. Тунам Самара гыч туристический поезд 342 пассажирым конден. Нунылан кече мучко этно-гастротур эртаралтын. Варажым Пенза ден Ульяновскышто илыше-шамычлан тыгаяк кӱртньыгорно тур лийын.