Йошкар-Олаште марий сотемдарче (просветитель) Павел Глезденёв лӱмеш скверым лишыл жапыште ыштен шуктат.
Ты сквер «Планета» сатулымо рӱдер шеҥгелне верланен. Пашам «Формирование комфортной городской среды» федеральный проект почеш ыштат.
Скверын кумдыкшо – 3000 утла кв.м. Тушто у брусчаткым шареныт, йоча площадкым ачаленыт, йолешке зоным шотыш конденыт. Лишыл жапыште марий сынан стелым, теҥгыл-влакым вераҥдат, волгалтарыше понар-влакым келыштарат.
Уэмдыме скверым кеҥеж мучаште почшаш улыт. Тушко Йошкар-Олан мэрже Евгений Маслов да Марий Элын Кугыжаныш Погынжын председательжын алмаштышыже Евгений Кузьмин миен коштыныт.
Владимир АПТУЛАЕВ.