9 декабрьыште Туруново шӱгарлаште Герой-влакын аллейыштышт СВО-што вуйым пыштыше салтак-влакым шарныме мероприятий лийын.
Тушко «Йошкар-Ола» ола округым вуйлатыше Л.Покровский, Йошкар-Ола мэрын икымше алмаштышыже В.Смирнов, мэрын алмаштышыже-влак С.Мухортов ден Д.Юркин, тыгак салтак-шамычын родо-тукымышт толыныт.
СВО-што вуйым пыштыше Россий Герой Дамир Шаймардановын аваже Ирина Шаймарданова салтак-влакын лӱддымылыкышт, Шочмо элым аралымаште ӱшанле улмышт нерген ойлен.
«Йошкар-Ола» ола округын архивше гыч налме фото.