Марий Элым Вуйлатыше Ю.Зайцев Полупроводниковый прибор-влак заводын историйже аллейым почмашке миен.
Кугу Отечественный сарыш заводышто пашам ыштыше 518 еҥ каен, 138 еҥ пӧртылын огыл. Нунын лӱмыштым «Скорбящий воин» стелыште возымо. ЗПП историйын аллейже А.И.Владимировын лӱмжым нумалеш. 1943 ийыште сарын участникше Александр Ивановичлан Совет Ушем Герой лӱмым пуымо да Ленин орден ден «Шӧртньӧ Шӱдыр» медальым кучыктымо. Сар пытымеке, А.Владимиров заводышто шофёрлан тыршаш тӱҥалын.
Ю.Зайцев тыгак ЗПП ветеран-влак советын еҥышт дене вашлийын.
Марий Элым Вуйлатышын пресс-службыжын фотожо.