Советский район Ӱшнур кыдалаш школ директорлан 22 ий пашам ыштыше В.Ф.Галкиным герой-директор манаш лиеш.
Марий Элын калык туныктышыжо да республикысе образованийын сулло пашаеҥже пӱтынь илышыжым образований сомыллан пӧлеклен. Мер пашашке ушнен гынат, школ системыште илышым куштылемдаш шонен, тӱрлӧ йодышым нӧлталын. Чыла тидыжым эртыше жап дене возашат ок лий – тачат Юмын пӱрымӧ ты пашам ворандара.
12 сентябрьыште Валерий Фёдорович 75 ийым темыш. Тидын лӱмеш уста да палыме еҥ дене вашлийна. Пашалан кожмак улмыжым паленам гын, мутланымаште проста улмыжо рашемдалте.
– Валерий Фёдорович, 75 ияш лӱмгечым могай кумыл дене вашлийыда?
– Эре пашаште улам, эре куржталам да але вара 75 ий темеш манын шонкалем, вет шкемым тынар ияшлан ом шиж. Идалыкше кая гынат, ойганен шинчымаш уке. Школ да мер пашаште куанен тыршыме дене ийгот нерген омат шоналте – 75 ийым сайын иленам манын кертам.
Мутат уке, айдемын илышыже иктӧр огеш эрте – молын семынак сайжат, тӧрсыржат лийыныт.
– Тендан илышыштыда кугу верым школ але еш илыш налеш?
– Утларак жапемым кугыжаныш пашалан ойыренам. Мый школыш 6 але 7 шагатлан толам да тушеч 20 але 21 шагатлан каем. Лектеш, мӧҥгышкыжӧ малаш веле мием.
– Ты шотышто ешыште умылыдымаш шочын огыл?
Тиде да эше икмыняр йодышлан, поснак личный илышыже, йӧратымашыже нерген
«Кугарня» газетын 15 сентябрьыште лекше номерыштыже вашешта. ЛУДСА!