«Герои Марий Эл. Талешке-влак» программын участникше Николай Акулин Медведево район Люльпанысе тулык икшыве-влакын рӱдерыштышт воспитанник-шамыч дене вашлийын.
Николай Алексеевич кызыт Марий Эл Республикысе паша да социальный аралымаш министерствыште стажировкым эрта. Йоча-влаклан келшымаш, нелылык да моло нергенат ойлен, йодышыштлан вашештен.
Вашлиймаш деч вара Николай Алексеевич рӱюерым ончен коштын. Тудын наставникше Паша да социальный министр Елена Таникова герой дене вашлиймаш моткоч кӱлешан манын. Вет тидыже кеч-могай ситуацийыште икте-весылан полшымашым да моло сай койышым умылаш полша.
Тыгак геройын вес наставникше уло — регионысо финанс министр Алексей Торощин.
★«Герои Марий Эл. Талешке-влак» программе Марий Эл Вуйлатыше Юрий Зайцевын инициативыж почеш шукталтеш да Россий Президент Владимир Путинын «Время Героев» пиограммыжым шуя.
Марий Эл Республикысе Правительствын ВК-се тӱшкаж налме.