Марий Элым Вуйлатыше Юрий Зайцев «Герои Марий Эл. Талешке-влак» регионысо кадровый программын участникше Роман Возняк дене вашлийын.
Роман Владимирович – ныл Патырлык орденын кавалерже, «За отвагу» медаль дене кум гана палемдалтын. Программе почеш тунемме годым тудо ЦУР-ын (Регионым виктарыме рӱдерын) пашажым, муниципальный реформым шымлен шуктен.
– Кучем орган-влакын паша механизмышт нерген шонымашыже поснак келшен. Стажировко годым лекше нелылык нерген шинчаончалтышыжат ойыртемалтше. Романын у шинчымашым налаш да тудым практикыште кучылташ ямде улмыжо куандара, – каласен Юрий Зайцев.
Марий Элым Вуйлатышын пресс-службыжын фотожо.