Тыгай тоштерым 9 декабрьыште Москосо ВДНХ-ште почмо.
Тудым ик идалыкыште 150 тӱжем наре еҥ ончен кертеш. Тидым Шочмо элым аралыше да моло профессий дене тыршыше-влакын подвигышт шотышто летопись семын аклаш лиеш. Эн ончыч Чап залышке логалына. Тушто Акрет Русь гыч тӱҥалын таче марте шуктымо героизм ден подвигыштым писатель С.Лукьяненкон режиссёр С.Наумов дене пырля ыштыме фильмыштышт ужына. Тыштак СССР ден Российын кугыжаныш награде галерейже верланен. Тоштерысе тӱҥ экспозиций специальный военный операцийлан пӧлеклалтын. 1200 кв. метр кумдыкышто «Становление героя», «Путь воина», «Подвиг» ужаш-влакым ыштыме. Ик арт-объектше – «Геройын шӱмжӧ».