М.Шкетан лӱмеш Марий драмтеатрын актёржо Генрих Тимиряев шке лӱмжӧ нерген тыгерак каласкала.
Тиде лӱмым мыланем авам пуэн. Ешыштына ойыртемалтше лӱм-влак улыт: изам – Тимур, шӱжарем – Ника, вес шӱжаремлан Катя лӱмым пуэныт.
Немыч йылме гыч кусараш гын (heim – пӧрт, илыме вер, reich – поян, виян) пӧртын озаже семын кусаралтеш. Лӱмем келша. Школышто тидын шотышто тӱрлӧ ситуаций лиеден. Икте шот дене колын ок шукто, кузе кертеш, туге ойла да воза ыле.
Икана школышто урок вес класс дене пырля эртаралтын. Лӱмем икте ик семын ойла, весе – вес семын. Тунам переменыште доска дек лектынам да пор дене кугун гына «Генрих» манын возен шынденам да чылаштлан ойленам: «Лӱмем теве тыге возалтеш».
Еш альбом гыч налме фото.