Суртлаште газ лийже манын, Марий Элым Вуйлатыше газым пуртымылан кайыше окса роскотым петыраш ик гана тӱлышаш выплатым палемден.
Тӱҥ условий – населённый пунктышто РФ-ын догазификаций шотышто программыж почеш газораспределительный сеть лийшаш.
Ик гана тӱлышаш окса сурт марте газпучым шупшмылан кайыше роскот кугыт, но 100 тӱжем деч утла огыл, ойыралтеш.
Доходым шотыш налде, ты оксам тыгай еҥ-влакын налаш правашт уло:
Кугу Отечественный сарын участникше да инвалидше;
боевой действийын ветеранже да инвалидше;
Кугу Отечественный сарыште колышо участникын ешыже;
«Жителю блокадного Ленинграда» знак дене палемдалтше;
I группо инвалид;
инвалид йочан еш;
техногенный аварийым да катастрофым пытараш полшышо;
тылын труженикше.
Тылеч посна ешын але шкет илыше еҥын доходшо илен лекташ ситыше эн изи кугыт деч 1,5 пачаш кугу огыл (кызыт 18375 теҥге деч шуко огыл) гын, тыгай оксам налаш праваже уло.
Йодмашым возышо еҥ йодмашым пуымо жаплан тыгай условийлан келшен толшаш:
газым пуртышаш суртышто эре ила;
2021 ий 21 апрель гыч 2023 ий 30 октябрь марте газоиспользующий оборудованийым газораспределений сеть деке ушымо шотышто договор уло;
газификаций объектым эксплуатацийыш колтымо;
йодмашым возышын газификаций объектлан собственность праваже (права собственностьышто пайже) уло.
Ик гана тӱлышаш оксам налаш манын, 2023 ий 30 октябрь марте шке илыме верысе Калыклан социальный полышым пуымо рӱдерыш кайыман да йодмашым возыман.